پُی داسِ مُکِت ریشه یِ پاریمو بُریدی

پاکـی دِلِلِ باغِ بُناریمـــو بُریدی

وِر دادی تییِر ، قاوِلِمه تو دِرِه رِختی

اُوسارِ سِرِ اسب شِهاریمو بُریدی

دیدی بِغِل دِیموُ بوامُم وُ دِل خَش

مَنتیل زِدی ریشه وُ ناریمُو بُریدی

بیعُرضِوُ بَضاتیُو نافَهمیُو قَلوی

تَجِّی تِرِ شیرینِ بِهاریمُــــو بُریدی

ری چُو خِلِ رِشمیزیه گِز تَکه مِدادی

چُو قُرصِ شِقِ صافِ کُناریمُو بُریدی

ماوِینِ گُدارِ سِرِ بالِی نِخِشِ عُمر

وَم خَندِسیو بَندِلِ گاریمُو بُریدی

گِهی خاگِ خِشی دِس تو نِخَردُم دِلِ راحَت

هر دَفعه کِه خَردُم سِرِ باریمُِو بُریدی

" محمد غلامی"

کِمی دَسمالِته پُی بور پینجَم دِکشه پَس کِردُم

                                                           نِچَشتُم وُ شراب سرخ لُوت و باز مَس کِردُم

می خواسُم سیت بُگُم تو ری قِشنگوت ، گِروِه می نادُم!!؟؟؟

                                                            نِتِرسُم چی بُگُم سیلِ گُل اَفتو پِرست کِردُم

سِر شاخَک زِدُم زِندِیمه ، سیت خُوندُم نفهمیدی

                                                          خُومه تا زِندِیُم بعد تو بانده ی تو قفس کِردُم

دِلُم سد سِکَندَر بی ، بُلَندیش وُ دِلَل سَر بی

                                                       ریاپی بار سنگین ریش نِهادِن تا نِشَست کِردُم

به امیدی که پاتِ ری زِمینَل نادویی بَلکَم

                                                      شُویی تا کیچِتون ماچِ زمین و خار و خَس کِردُم

تو رفتی و جوونی رَه ، تموم زور زونی رَه

                                                       نِتِرسُم پات بیام ، وامُوندم و دیندات لَس کِردُم

                                                                                      " محمد غلامی "

پیانو ، اُرگ و دَف ، سنتور سی تو              دِرام و دَلّه و شِیپور سی مو

لواس ابریشمی صد رنگ سی تو               کفن پیسیده یِ بُن گور سی مو

فرانسه ، ترکیه ، اوکراین سی تو               گوام ، بوتان و سنگاپور سی مو

تیلیزون ، کولر و یخچال سی تو                 دکون دار و سه تا فاکتور سی مو
 

او رَخشِ رستمِ دستان سی تو                    خرِ اَیلِی خولو تیمور سی مو

تکِ گشنیز و دل ، اسپیک سی تو                دو تا جوکر بُنِ پاستور سی مو

رئال و چلسی و بایرن سی تو                    مس و اَلنَّصر و پاختاکور سی مو

قُباد و سنگ سر ، هامور سی تو                موتو خشکایی یِی بُن تور سی مو

خونِی باغی ، هِلِ دریاچه سی تو                تو صحرِی کَت یه دون کُل مور سی مو

پلنگ و شیر و ببر و فیل سی تو                بُتُل ، کلبوک و مُشکِ کور سی مو

سیمَن ، چِک ، کاسیاس و کان سی تو          ساشا ایلیچ و میرزاپور سی مو

چلو مرغ و کباب و جوجه سی تو              غذی سروازِ پُر کافور سی مو
 

غزل حافظ همش با عشق سی تو               ای چِرتِی میشتِ مح وُ زور سی مو


محمد تابناک (میشمح)